+961 5 450 198

أهم الأخبار والأحداث

18
Aug
2018

تكريم الياس ومنتهى الفغالي

استكمالاً لنهج "العراقة والتطوّر" الذي اتخذته بلدية الحازمية شعاراً لها، باشر المجلس البلدي بتكريم كبار من البلدة، وانطلقت الحملة يوم الخميس في 18/8/2018 من منزل الياس ومنتهى الفغالي في الحازمية، حيث زار منزلهما رئيس المجلس البلدي والأعضاء، ومختاري البلدة واعضاء المجلس الإختياري وبعض من فعاليات البلدة، فقدّموا لهما الزهور ودرع البلدة الذي حفر عليه:


" العزيزان الياس ومنتهى الفغالي: من قلب الحازمية الى قلبكما المعطاء... من ذاكرة الحازمية الى تاريخكما الحيّ... كل المحبة والتقدير!

رئيس وأعضاء مجلس بلدية الحازمية  -  آب 2018 " 


وكانت بعدها  كلمة لرئيس المجلس البلدي، السيد جان الياس الأسمر، جاء فيها:


" مسا الخير والمحبة والبركة اللي نابعة من هالبيت !

بيت الكرم والعطاء ...

بيت الرجل العصامي الياس يوحنا الفغالي وزوجته منتهى، اللي ربّو عيلة حلوة، بتعبهم، وايمانهم، وجهدهم. 

رغم كلّ الصعوبات اللي واجهتكم بالحياة، رغم كل القهر والحزن، هالبيت ما عرف إلا الضحكة اللي نابعة من القلب، واللي أساسها القناعة والمحبة. 

عم الياس عمّرت بيتك بالحازمية وتشاركت مع الست منتهى  الحلوة والمرة، وبعدك لليوم، مع ولادك عم تعطو المجتمع أفضل صورة للعمل!


عاصرت الحازمية ببداياتها، شفتها عم تنوجع بالحرب وعم تنتفض وتتطوّر بالسلم، وعم بتعاصرها اليوم بحلتها الجديدة، مدينة منشوف كلنا حالنا فيها.

واليوم، هالمدينة بمجلسها البلدي والمخاتير، حبّت تكرم مسيرة عطاءك انت وزوجتك، الست الفاضلة منتهى، وتقدملكم درع الحازمية اللي بتكبر بكبارها.

منتمنالكم كل السعادة ... 

مبروك علينا وجدودكم بالحازمية... 

وانشالله بيضل هالبيت مفتوح وعامر لسنين وسنين !" 


تلا الحفل نخباًً للمناسبة، على ان تستكمل الحملة بشكل شبه اسبوعي لتشمل جميع كبار الحازمية فتكرّم مسيرتهم وأعمالهم.