متابلعة من المجلس البلدي لسلسلة تكريم كبار الحازمية توجه رئيس المجلس البلدي ونائبه والأعضاء ومختاري البلدة وكبار الموظفين الى منزل السيدة لور ادواركرم مساء الأربعاءفي 13/2/ 2019حيث احتفلوا معها ومع افراد عائلتها وقدموا لها درعاً تكريمية، وشربوا نخب المناسبة وسط أجواءعائلية مميزة. 

وكانت كلمة لرئيس المجلس البلدي جاء فيها: 

"بتقول الأم تيريزا "مش مهم الإنجازات الكبيرة اللي منعملها بالحياة، الأهم هو مقدار الحب اللي منحطه نحنا وعم نعمل أصغر الأشيا" ... 

هيك الست لور عملت ... 

اشتغلت بكل محبة وتفاني وإخلاص لعيلتها الزغيرة، زوجها المرحوم ادوار اللي تفانت بخدمته طيلة فترة مرضه، واولادها نجاة وناجي وطوني وزوجاتهم واولادهم.

وعطيت الكتير لعيلتها الكبيرة بالحازمية، خصوصي انها كانت وبعدها بنت كنيسة وبنت اخوية، والصلاة ما بتفارقها. 

هالنوعية من الناس الطيبة، الخدومة، صرنا عم نفتقدلها اليوم بمجتمعنا اللي اتطوّر بالتكنولوجيا بس، وصار بعيد شوي عن القيم الإنسانية للأسف. 

ست لور -  ام ناجي، 

نحنا منفتخر بعيلتك وبولادك اللي نحنا واياهم رفقة عمر واصدقاء، ومنصلي معك لخينا اسعد تا يرجع على عمله الخاص وعلى الساحة البلدية.

اليوم، أنا ونايب الرئيس وزملائي أعضاء المجلس البلدي والمخاتير والأعضا الإختيارية وكبار الموظفين بالبلدية، جينا لعندك اليوم تا نتمنالك طول العمر والصحة، ومنقلك اللي مكتوب على هالدرع التكريمية: 

السيدة الفاضلة لور كرم 

من قلب الحازمية الى قلبكم المعطاء... من ذاكرة الحازمية الى تاريخكم الحيّ...

كل المحبة والتقدير! "